Hoe werk 40 vrae?

40 vrae is bedoel om jou bewus te maak van God se aktiwiteit in jou lewe. Hoe eerliker jy met jouself omgaan tydens jou belewenis van 40 vrae hoe meer waarde sal jy daaruit put.

40 vrae bestaan uit:

‘n Skrifgedeelte.

In die Bybel is die plan van jou lewe opgesluit. 40 vrae gaan oor baie meer as ‘n boodskappie elke oggend. Jy word bewus van die werking van God in jou lewe deur interaksie met die Bybel. Hierdie Skrifgedeelte is bedoel om gelees, oordink en gebid te word. Dit is maar die begin van jou 40 vrae belewenis.

‘n Oordenking.

Natuurlik is dit onmoontlik om alles van ‘n spesifieke teksgedeelte in ‘n paar woorde te sê. Die oordenking dien slegs as ‘n gedagte losmaker. Gebruik die oordenkings om die teks heeldag in jou gedagtes te hou.

Vrae.

Die eerste twee vrae is wat ek stel vir bespreking. Wanneer jy begin om oor die geloofswaarhede te praat, gebeur daar iets in jou binnekant waarin hul vasgelê word. Die vrae is bedoel om gesprek aan die gang sit. Party is ‘n selfgesprek waarin jy eerlik met jouself moet wees. Ander vrae kan jy bespreek met jou geloofsgenoot in die lewe. Die vrae vorm nuttige gesprek geleenthede wanneer 40 vrae in kleingroepe, selgroepe en Bybelstudie groepe gebruik kan word. Die derde vraag is nie minder belangrik nie. Persone wat met die Skrif omgaan ontwikkel self vrae. Dit is belangrik dat jy ook hierdie vrae sal neerskryf. Jy hoef nie vandag die antwoord te vind nie, maar jy sal verbaas wees waar en wanneer jy die antwoord vind in jou lewe. Deel jou vrae met jou geloofsgenoot of kleingroep vir bespreking.

‘n Video greep.

Elke vraag het ‘n skakel na ‘n YouTube video greep. Hierdie video greep gee so bietjie agtergrond tot die Skrifgedeelte. Dit kan gebruik word in kleingroepe en as gesprek voorbereiding.

Skakels.

40 vrae is nie ‘n boek wat van die eerste bladsy tot die laaste bladsy gelees hoef te word nie. Trouens jy sal nie eens bladsynommers vind nie. Jy bepaal self die volgorde van die vrae wat jy lees. Hiermee wil 40 vrae erkenning gee dat geen twee persone se lewe presies dieselfde is nie. Elke mens het verskillende behoeftes. Op hierdie manier werk jy aktief mee aan jou 40 vrae geloofsreis. Die inhoud bladsy het skakels na elke  vraag. Jy kan telkens na die inhoud terug gaan en dan ‘n volgende vraag kies.

Geloofsdagboek.

Jou geloofsdagboek is onontbeerlik. Ten einde die 40 vrae belewenis volledig te deel is dit noodsaaklik dat jy ‘n geloofsdagboek byhou. Jy sal vind dat met tyd jou dagboek jou help om die blokkies te vorm waarmee jy jou lewensplan bou. In jou dagboek gaan jy antwoorde genereer op die vrae wat jy in jou binnekant ronddra. Wanneer jy terugkyk na jou dagboek sal jy daarin raak lees en verstaan wat in jou binnewêreld gebeur het. Hierdie terugkyk sal jou geloofsoë wees waarin jy die werking van God in jou eie lewe sal sien. Sonder die dagboek mis jy uit op die wonderlikste ervaring wat 40 vrae jou kan gee. Om te sien hoe God in jou lewe werk.